भर्मन्टको आपतकालीन सञ्चार प्रणालीसम्बन्धी सामुदायिक सुझाव सङ्कलन सत्र

भर्मन्टको आपतकालीन सञ्चार प्रणालीका बारेमा छलफल गर्न आगामी सामुदायिक सुझाव सङ्कलन सत्रका लागि हामीसँग सामेल हुनुहोस्। यो सत्रले तपाईंका अनुभवहरू आदान-प्रदान गर्ने, प्रश्नहरू सोध्ने र तपाईंको क्षेत्रमा आपतकालीन सेवा डेलिभरी प्रक्रियाका बारेमा थप कुराहरू जान्ने अवसर प्रदान गर्छ। तपाईंको इनपुट सबै भर्मोन्टमा बासिन्दाहरूको विविध आवश्यकताहरू पूरा गर्ने प्रणालीलाई आकार दिन महत्त्वपूर्ण छ।

कार्यक्रमका विवरणहरू:

• मिति: डिसेम्बर 6, 2024
• समय: बिहान 11:30 बजेदेखि दिउँसो 1 बजेसम्म
• स्थान: Microsoft Teams मा आयोजना गरिने भर्चुअल बैठक (दर्ता गरेपछि प्रदान गरिएको लिंक)

के अपेक्षा गर्ने:

यो सत्रमा तपाईंले सेवाहरू कसरी पठाइन्छन् र विभिन्न क्षेत्रहरूमा डेलिभर गरिन्छन् भन्ने कुरालगायत भर्मन्टको आपतकालीन सञ्चार प्रणालीको संक्षिप्त जानकारी सुन्नु हुने छ। हामी प्रश्नहरू सोध्ने छौँ र तपाईंले दिएका प्रतिक्रियाको स्वागत गर्ने छौँ:

• वर्तमान प्रणालीका कुन कुन पक्षले राम्रोसँग काम गर्छन्
• सुधार गर्न सकिने क्षेत्रहरू
• तपाईंको समुदायमा आपतकालीन सेवाहरू लिने कुनै पनि विशेष आवश्यकता वा अपेक्षाहरू

दोभाषे चाहिन्छ?

तपाईंलाई सहभागी हुन दोभाषे चाहिन्छ भने कृपया तपाईंले दर्ता गर्दा आफूलाई मन पर्ने भाषा हामीलाई बताउनुहोस्।

दर्ता:

तपाईंको नाम, इमेल ठेगाना हालेर दर्ता फाराम भर्नुहोस् र तपाईंलाई दोभाषे चाहिएमा उल्लेख गर्नुहोस्। तपाईं आफूले चयन गरेको भाषामा बैठकको लिंक र विवरणहरूसहित पुष्टि गर्ने इमेल प्राप्त गर्नु हुने छ।

हामीलाई भर्मन्टको आपतलीन सेवाहरू सुधार गर्न मद्दत गर्नुहोस्!

तपाईंले राखेको दृष्टिकोणले हाम्रो प्रक्रिया फरक पार्न सक्छ। यो महत्त्वपूर्ण सत्रमा उपस्थित हुन आजै साइन अप गर्नुहोस् र सबै जनाका लागि थप उत्तरदायी, भरपर्दो आपतकालीन सञ्चार प्रणालीमा योगदान गर्नुहोस्।

आपतकालीन सञ्चार परियोजना र भर्मन्ट पब्लिक सेफ्टी कम्युनिकेसन टास्क फोर्सका बारेमा जानकारी

राज्यको भर्मन्ट पब्लिक सेफ्टी कम्युनिकेसन टास्क फोर्सलाई ऐन 78 (2023) अन्तर्गत सुरक्षित, भरपर्दो र छुट्टाछुट्टै सञ्चालन गर्न मिल्ने आपतकालीन सञ्चार प्रणालीको योजना विकास गर्न बनाइएको थियो। सबै भर्मोन्टका बासिन्दाहरूलाई समयमा नै, उपयुक्त आपतकालीन सेवाहरूमा समान पहुँच हुन्छ सुनिश्चित गर्दै यो पहलले आपतकालीन प्रेषण तथा सार्वजनिक सुरक्षा सञ्चारका लागि एकीकृत दृष्टिकोणको आवश्यकतालाई प्रतिक्रिया दिन्छ।

यो परियोजना किन महत्त्वपूर्ण छ

भर्मन्टको आपतकालीन सञ्चार प्रणालीको प्रभावकारिताले सबै जनालाई असर गर्छ। सहरी वा ग्रामीण क्षेत्रका—प्रहरी, आगलागी वा मेडिकल सेवाहरूसम्बन्धी आपतकालीन अनुरोधहरू—तुरुन्तै सम्बोधन गरिन्छन् र सही निकायहरूसम्म पुग्नु भनेको सार्वजनिक सुरक्षाको लागि महत्त्वपूर्ण छ। अहिले, सञ्चार केन्द्रहरू विभिन्न तरिकामा र फरक क्षमतामा मा सञ्चालन गर्दै भर्मन्टको प्रणाली फैलिएका छन्। कतिपय अवस्थामा आपतकालीन कलहरू आवश्यक निकायहरूमा पुग्नु अघि धेरै पटक ट्रान्स्फर हुन सक्ने भएकाले यसले सेवामा ढिलाइ हुन सक्छ।

टास्क फोर्सले भर्मन्टका बासिन्दाहरूका विविध आवश्यकताहरू प्रतिबिम्बित गर्ने प्रणाली डिजाइन गर्न सघाउन समुदायबाट सीधै विश्लेषणात्मक जानकारी र प्रतिक्रिया सङ्कलन गर्ने लक्ष्य राख्छ। सामुदायिक अनुभव र अपेक्षाहरू बुझेर टास्कफोर्सले राज्यव्यापी आपतकालीन सेवाहरूका दक्षता, उद्दार पक्ष र समग्र पहुँचमा सुधार गर्दै प्रणाली भित्रका चुनौतीहरू पहिचान गर्न र सम्बोधन गर्न सक्छ।

ऐन 78 का बारेमा (2023)

भर्मन्ट विधायकले पारित गरेको ऐन 78 ले अनिवार्य रूपमा राज्यको आपतकालीन सञ्चार प्रणालीको बृहत योजनाको गठन गर्छ। यसले निम्नलगायत टास्क फोर्सका विशेष लक्ष्यहरू रेखाङ्कित गर्छ:

• आपतकालिन अवस्थामा विभिन्न एजेन्सीहरूलाई निर्वाध रूपमा कुराकानी गर्न अनुमति दिने थप अन्तर्क्रियात्मक प्रणाली सिर्जना गर्ने।
• भर्मन्टको विविध भूगोलमा सहरी केन्द्रहरूदेखि दुर्गम ग्रामीण क्षेत्रहरूमा सञ्चारलाई कुराकानी गर्न प्रविधि र पूर्वाधार सुधार गर्न।
• सबै बासिन्दाहरूको सीमित अङ्ग्रेजी दक्षतासहित आपतकालीन सेवाहरूमा समान पहुँच छ भन्ने सुनिश्चित गर्न।

ऐन 78 भनेको सहयोग र सामुदायिक इनपुटमार्फत आज र भविष्यमा भर्मन्टका आवश्यकताहरू पूरा गर्ने प्रणाली निर्माण गर्ने लक्ष्य राख्दै सार्वजनिक सुरक्षा सञ्चार सुधार गर्ने प्रतिबद्धता हो।